الخميس، فبراير ٢٤، ٢٠٠٥

Je pense à toi


لما باصحى من النوم...بأفكر فيك
لما الشمس بتنور...بأفكر فيك
في التليفون، وأنا بأتكلم...بأفكر فيك
وأنا معاهم...بأفكر فيك
في أي وقت بالليل...بأفكر فيك
لما بيسألوني هنروح فين النهارده...بأفكر فيك

مش عارفه أنت فين دلوقتي
ولا عارفه هتعمل إيه
لكن كل ده مش مهم أوي
خطوتنا بتتوه في كل شوارع المدينة
وإحنا بنلف حوالين سكك جديدة
سكك بنلاقي نفسنا فيها بالصدفة...بالصدفة البحتة

لما الوقت بيتأخر...بأفكر فيك
لما بأروّح...بأفكر فيك
لما بيبقى دمي تقيل وماليش نفس اعمل حاجة...بأفكر فيك
بحب...وبأفكر فيك
الصبح بدري...بأفكر فيك
لما مايجينيش نوم...بأفكر فيك

الليل بيعدي...وأنا بأفكر فيك
بأفضل سهرانة...وأنا بأفكر فيك
اشرب سيجارة تانية...وأفكر فيك
الصبح بيطلع...وأنا بأفكر فيك
عينيا يا دوبك بتقفل...ولسه بأفكر فيك
مش بعرف أنام كتير...وبأفكر فيك



ترجمة بتصرف لأغنية بأفكر فيك لجان فرانسوا ميشيل. موجودة هنا

ليست هناك تعليقات: